“ነፍስ ሁሉ የኔ ናት” ብሎአል፡፡

ከዚህ ሕይወት በኋላ እውነተኛ ማንነትዎ የሆነችው ነፍስዎ፤ በሕይወት በምድር ላይ በነበሩበት ወቅት ከሰሯቸው መልካምም ይሁን ክፉ ስራዎት ጋር ትገናኛለች፡፡ ዕብራውያን 9፡27ን መልከቱ፡፡

ከልብዎ የሚያመልኩ ሰው ይሆኑ ይሆናል

ስለሚሰርዋቸው ያለተገቡ ተግባራት ይጸጸቱ ይሆናል

የሰረቁትን መልሰው ይሆናል

እነዚህ ሁሉ የሚያስፈልጉ ነገሮች ቢሆኑም

ስለ ኃጢአትዎ በራስዎ ስርየትን ማምጣት አይችሉም

በምድር ሁሉ ላይ ፈራጅ የሆነው የሰማይ አምላክ እግዚአብሔር ከፊቱ የተሰወረ አንዳች ነገር ስለሌለ የእርስዎን ኃጢአት እና ሕይወት በአጠቃላይ ያውቃል፡፡ እርስዎ ከነኃጢአትዎ ከሆኑ ሊመጣ ካለው ከእግዚአብሔር ክብርና ባርኮት ሊካፈሉ አይችሉም፡፡

ነገር ግን የኸው የሰማይ አምላክ የፍቅር አምላክ ነው፡፡ ለሕወትዎና ለነብስዎ የመዳኛ መንገድ ስላዘጋጀ የዘላለም ጥፋት ወደ ሆነው ወደ ገሃነም እሳት መጣል የለብዎትም፡፡ እግዚአብሔር ኢየሱስን ወደዚህ ምድር የላከው የእርስዎን ነብስ ለማዳን ነው፡፡ ኢየሱስ በቀላንዮ መስቀል ላይ ተሰቃይቶ ሲሞት የእርስዎ ኃጢአት ሁሉ በእርሱ ላይ ሆንዋል፡፡ እግዚአብሔር ሰማይ ሊያቀርብ የሚችለውን ድንቁን መስዋዕት ስለ እርስዎ ኃጢአት ሲል ሰጥትዋል፡፡ “እርሱ ግን ስለ መተላለፋችን ቈሰለ፥ ስለ በደላችንም ደቀቀ የደኅንነታችንም ተግሣጽ በእርሱ ላይ ነበረ፥ በእርሱም ቍስል እኛ ተፈወስን” (ኢሳይያስ 53፥5)፡፡ እነዚህ የትንቢት ቃላት የተነገሩት ኢየሱስ ወደ ምድር ከመምጣቱ ከብዙ ዘመናት በፊት ነው፡፡

ኢየሱስ እንደሚወድዎ ያምናሉ? ወደ እርሱ በመጸለይ ኃጢአትዎን ይናዘዛሉ? ንስሀ በመግባት የእግዚአብሔር ልጅ በሆነው በኢየሱስ ያምናሉ? በፍጹም መሰጠት ወደ እርሱ ከመጡ ለነብስዎ ሰላምን እንዲሁም ከሞት በኋላ የከበረ ሕይወትን ይሰጥዎታል፡፡ በሀሴት የተሞላ የዘላለም ቤትና የነብስ ሰላም እንዳልዎት እርግጠኛ መሆን የሚችሉት ይህንን ወሳኔ ሲወስኑ ብቻ ነው፡፡

ግን’ኮ አዳኝ የሆነውን የኢየሱስን ፍቅር በሕይወት ዘመናቸው ላልተቀበሉ ሁሉ የጥፋት ጉድጓድና ማብቂያ የሌለው የዘልለም እሳት ይጠብቃቸዋል፡፡ ከሞት በኋላ ወደ ኋላ መመለስና የመዳን ተስፋ ሁሉ ያበቃለታል፡፡

“በዚያን ጊዜ በግራው ያሉትን ደግሞ ይላቸዋል። እናንተ ርጉማን፥ ለሰይጣንና ለመላእክቱ ወደ ተዘጋጀ ወደ ዘላለም እሳት ከእኔ ሂዱ” (ማቴ. 25፥41)፡፡ “የማይጠቅመውንም ባሪያ በውጭ ወዳለው ጨለማ አውጡት፤ በዚያ ልቅሶና ጥርስ ማፋጨት ይሆናል” (ማቴ. 25፥30)፡፡  

እግዚአብሔር፤ በመጽሐፍ ቅዱስ፤ በምድር ሁሉ ላይ ሊመጣ ስላለው የመጨረሻ ፍርድ አስጠንቅቋል፡፡ በእነዚህ ቅዱሳት መጻሕፍት ይህ የፍርድ ቀን ከመምጠቱ በፊት ግልጽና ተጨባጭ ምልክቶች እንደሚሆኑ ተጽፍዋል፡፡

ከመምጣቱ በፊት ጦርነትና የጦርነት ወሬ በየቦታው ይሰማል፤ ሕዝብ በሕዝብ ላይ ተነስቶ እርስ በእርስ አለመግባባት እና መፋጀት ይሆናል፤ መንግስታትም በመካከላቸው የሚነሳውን የሀሳብ ልዩነት እና አለመግባባት መፍታት ያቅታቸዋል፡፡

በተለያዩ ስፍራዎች የምድርም መናወጥና ቸነፈር ይሆናል፡፡ መጽሐፍ ቅዱስ በዚህ ወቅት ክፉዎች በክፋታቸው እየባሱ እንደሚሄዱ ይነግረናል፡፡ ብዙዎችም የእግዚአብሔርን ማስጠንቀቂያ ቸል በማለት ከእግዚአብሔር ይልቅ ተድላን የሚወዱ ይሆናሉ፡፡ በዘመናችን እነዚህን ትንቢቶቸ ሲፈጸሙ እያየን አይደለምን? ማቴዎስ 24፥6-7፤12 እና 2ኛ ጢሞቴዎስ 3፥4ን ይመልከቱ፡፡

አንድ ቀን ሁላችንም ለፈጸምናቸው ድርጊቶች ሁሉ ልንዳኝ ከፈጣሪያችን እና ጌታችን ፍርድ ወንበር ፊት እንቆማለን (ማቴዎስ 25፥32-33)፡፡ ጻድቅና ታላቅ ፈራጅ የሆነው አምላካችን በብልጽግናችን በድህነታችን፤ በእውቅናችን በመዋረዳች፤ በቆዳችን ቀለም፤ በዘራችን ላይ ያለተመሰረተ ጻድቅ ፍርድ እነደሚያስተላልፍ መዘንጋት የለብንም፡፡ 

ማብቂያ በሌለው ዘላለም ውስጥ የሰዓት መቁጠሪያና ዓመታዊ ቀን መቁጠሪያ (ካላንደር) አይኖሩም፤ ዘመናቱም መጨረሻቸው አይታወቅም፡፡ የኃጢአተኞችና እግዚአብሔርን ያልፈሩቱ የስቃያቸው ጭስ ለዘላለም በገሀነም ሲጬስ፤ የዳኑቱ ደስታ ዝማሬ በረከትና መጽናናት ማብቂያ በሌለው በእግዚአብሔር መንግስት ውስጥ ያስተጋባል፡፡ ምርጫዎን አሁኑኑ ይወስኑ፤ ምክንያቱም ይህ እድል በቅጽበት ከእጅዎ ሊወጣ ይችላልና፡፡ “እነሆ፥ የተወደደው ሰዓት አሁን ነው፤ እነሆ፥ የመዳን ቀን አሁን ነው” (2ቆሮንጦስ 6፥2) ፤ ማቴዎስ 11፥28፡፡

ለተጨማሪ መረጃ ያግኙን

በረሪ የውንጌል ጽሑፎችን (ትራክቶችን) ለማዘዝ

አንተ ሕይወትህን ስትመለከተው ባዶ መሆኑ አይታወቅህ ይሆናል፡፡ ሕይወትህ ባዶ እንዳትሆን በተለያዩ ተስፋ ሰጪ ተግባሮች ላይ ተሰማርተህ ይሆናል፡፡ አንዳንድ ጊዜ የወዳጅህን መንፈሳዊ ግብዣ “በስራ ተጠምጃለሁ” በሚል ምክንያት ሳትቀበል ቀርተህ ይሆናል፡፡ በእግዚአብሔር ስትታይ ግን ስራ ፈት ነህ፡፡  

በመጨረሻ በዘላለም አምላክ ፊት ቀርበህ “የኢየሱስ ክርስቶስን ደም ምን አደረከው?” የሚለውን ጥያቄ ስትጠየቅ ወደ አለም በመመለስ ያለፈ ሕይወትህን ለማስተካከል ብትመኝ እንኳን ቴምብር የተለጠፈበት ፖስታ ሌላ አገልግሎት የማይሰጥ ተብሎ መጣሉ ይታወስሀለ፡፡ በዳኛው ፊት ቀርበህ “በግራው ያሉትን……እናንተ ርጉማን፥ ለሰይጣንና ለመላእክቱ ወደ ተዘጋጀ ወደ ዘላለም እሳት ከእኔ ሂዱ” (ማቴዎስ 25፥41) የሚለውን ድምጽ ሰምተህ ምህረትን ብትለምን እንኳ ሰዓቱ የረፈደ ይሆናል፡፡

ቀጣይ የምትሰማው ድምጽ “በሕይወት በነበርክበት ጊዜ ሕይወትህን በከንቱ ስላባከንካት፤ አሁንም ወደ ዘላለም እሳት ተጥለህ ለምንም የማትጠቅም ትሆናለህ” የሚለውን ይሆናል፡፡ ሁሉን ቻይ የሆነውን ጌታ ፊት ለፊት ባየኸው ጊዜ ምን ያህል ከንቱ ሕይወትን በምድር ላይ እንደኖርክ ትገነዘባለክ፡፡                           

ኦ ውድ አንባቢ ሆይ! እነዚህን ነገሮች ከግምት ውስጥ በማስገባት “……ወደ እኔም የሚመጣውን ከቶ ወደ ውጭ አላወጣውም” (ዮሐንስ 6፥37) ላለው ኢየሱስ ልብህን ለምን አትሰጥም? ደብዳቤ የሆነች ነብስህ በእጁ ከመግባትዋ በፊት ለምን የሕይወትህ ጌታና አዳኝ አድርገህ አትሾመውም? አስታውስ “ዓለም በልጁ እንዲድን ነው እንጂ፥ በዓለም እንዲፈርድ እግዚአብሔር (ልጁን) ወደ ዓለም አልላከውም” (ዮሐ.3፡17)፡፡ ፖስታ የሆነውን ስጋህን በጥንቃቄ ስታስጌጥ ኖረህ በሕይወትህ መጨረሻ ላይ የደብዳቤው ባለቤት ከሁሉ አብልጦ ዋጋ የሚሰጠው ደብዳቤ ለሆነች ነብስህ መሆኑን ስትለዳ ምን ይሆን ትርፍህ? “…..አፈር ነህና፥ ወደ አፈርም ትመለሳለህ” (ዘፍጥረት 3፥19)፡፡

በፈረጠመ የሞት እጅ የሕይወት ዘመን ደብዳቤ የሆነችው ነብስህ ተነጥቃ ከእግዚአብሔር ጋር ፊት ለፊት ከመገናኘትዋ በፊት ያለፈው ዘመንህን ከንቱነት ለኢየሱስ ተናዘህ የሕይወትህ ባለቤት አድርገህ ተቀበለው፡፡  

ይህን ታደርግ ይሆን? ቀጠሮ አትስጥ፤ ዛሬውኑ አድርገው፤ የመዳን ቀን ዛሬ ነውና፡፡ ምን ታውቃለህ የነገው ቀን በጌታ ፍርድ ወንበር ፊት የምትቆበት ቀን ሊሆን ይችላል፡፡

ለተጨማሪ መረጃ ያግኙን

በረሪ የውንጌል ጽሑፎችን (ትራክቶችን) ለማዘዝ

ባህርና ውብ አበቦች የሉም ነበር፡፡

ነገር ግን እግዚአብሔር ነበር፡፡

እግዚአብሔር አስደናቂ እቅድ ነበረው፡፡ ውብ የሆነች አለምን ለመስራት አሰበ፡፡ እንዳሰበም ፈጠራት፡፡ እግዚአብሔር አለምን ሲፈጥር ከምንም ነው የሰራት፡፡ “…..ይሁን” አለ፤ ሆነም!

ብርሀንን ፈጠረ፡፡ ወንዞችንና ባህርን፣ በሳር የተሸፈነች ምድርን፣ እንስሳትን፣ አእዋፋትንና ዛፎችን ሁሉ ሰራ፡፡

በመጨረሻ ሰውን ፈጠረ፡፡ ለፈጠረው ሰውም ሚስትን አበጀለት፡፡ ስማቸውም አዳምና ሔዋን ይባል ነበር፡፡

እግዚአብሐር አዳምና ሔዋንን በጣም ይወዳቸው ነበር፡፡ ይኖሩበት በነበረበት በውቡ ገነት ሁልግዜ አመሻሹ ላይ እየመጣ ያነጋግራቸው ነበር፡፡

አዳምና ሔዋን እግዚአብሔር ከከለከላቸው ከአንድ ዛፍ በስተቀር ከገነት ዛፍ ሁሉ እንዲበሉ ተፈቅዶላቸው ነበር፡፡

አዳምና ሔዋን የእግዚአብሔር ጠላት የሆነው ሰይጣን እስከፈተናቸው ቀን ድረስ በደስታ በገነት ይኖሩ ነበር፡፡ ነገር ግን አንድ ቀን እግዚአብሔር እንዳይበሉ ከከለከላቸው ዛፍ ፍሬ ለመብላት ወሰኑ፡፡ በዚህም ኃጢአትን ሰሩ፡፡ ለመጀመሪያ ጊዜ ሀፍረትና ሀዘን ገባቸው፡፡

ከዚያን ጊዜ በኋላ ከእግዚአብሔር ጋር እንደ ቀድሞው መነጋገር አልቻሉም፡፡ ያንን ፍሬ ከበሉ በኋላ መከራና ችግር ሊደርስባቸውና ሞትን ሊሞቱ ሆነ፡፡ በሰሩት ስህተት እንዴት ያለ ሀዘንን አዝነው ይሆን!

እግዚአብሔር ሊረዳቸው ቃል ገባላቸው፡፡ የተወሰነው ጊዜ ሲደርስ ልጁን ኢየሱስን ወደ አለም እንደሚልክና ኢየሱስም ከሰማይ ወርዶ ኃጢአት ይቅር እንዲባል መንገድን እንደሚያበጅ ነበር ተስፋን የሰጠው፡፡ የኃጢአት ይቅርታ እንዲሆን ኢየሱስ ለሰው ሁሉ መከራን መቀበልና መሞት ነበረበት፡፡ አዳምና ሔዋን እግዚአብሔር አዳኝን እንደሚልክላቸው ሲያውቁ እንዴት ያለ ታላቅ ደስታ ተሰምቷቸው ይሆን!

አዳምና ሔዋን ልጆችንና የልጅ ልጆችን ወለዱ፡፡ ቀስ በቀስም ብዙ ሰዎች በዚች ምድር ላይ መኖር ጀመሩ፡፡

እግዚአብሔር ሁሉ ሰው ደስተኛ እንዲሆን ይፈልግ ነበር፡፡ ምን ማድረግ እንዳለባቸው ነገራቸው፡፡ እግዚአብሔር እንዲያደርጉት የሰጣቸው ህግጋት ዝርዝር የሚከተለው ነው፡-

1. ከእኔ በቀር ሌሎች አማልክት አይሁኑልህ፡፡
2. የተቀረጸውንም ምስል ለአንተ አታድርግ፡፡
3. የእግዚአብሔርን የአምላክህን ስም በከንቱ አትጥራ፡፡
4. የሰንበትን ቀን ትቀድሰው ዘንድ አስብ፡፡
5. አባትህንና እናትህን አክብር፡፡
6. አትግደል፡፡
7. አታመንዝር፡፡
8. አትስረቅ፡፡
9. በባልንጀራህ ላይ በሐሰት አትመስክር፡፡
10. የባልንጀራህን ቤት አትመኝ የባልንጀራህን ሚስት ሎሌውንም ገረዱንም በሬውንም አህያውንም ከባልንጀራህ ገንዘብ ሁሉ ማናቸውንም አትመኝ፡፡ (ዘጸአት 20፥3-17)

እነዚህን ህግጋት እኛም ማንበብ እንድንችል በመጽሐፍ ቅዱስ ተጽፈውልናል፡፡ ከታዘዝናቸውና ካደረግናቸው ደስተኞች እንሆናለን፡፡

ሰይጣን እነዚህን ህግጋት እንድንታዘዝ አይፈልግም፡፡ አንዳንዴ፣ በተለይም ደግሞ ሰው በማያየን ቦታ እንድንሰርቅ ይነግረናል፡፡ ነገር ግን እግዚአብሔር ሁሉን የሚያይ አምላክ ስለሆነ የምናደረገውን ሁሉ ያውቃል፡፡

ሰይጣን አንዳንድ ግዜ ውሸትን እንድንዋሽና የዋሸነውን ውሸት ማንም እንደማያውቅብን እንድናስብ ያደርገናል፡፡ ነገር ግን እግዚአብሔር ሁሉን የሚሰማ አምላክ ስለሆነ የምንለውን ሁሉ ያውቃል፡፡

አንዲህ ያሉ ኃጢአት ስንሰራ ውስጣችንን ሰላም አይሰማንም፡፡ እግዚአብሔር ስለሚወደን መልካም ሰዎች እንድንሆን ሊረዳን ይፈልጋል፡፡ ኢየሱስን ወደ አለም የላከውም ለዚህ ነው፡፡ የገባውን ተስፋ ፈጽሞ አልረሳም፡፡

ከብዙ አመታት በኋላ ኢየሱስ እንደ ሕጻን ተወለደ፡፡ አድጎም ሙሉ ሰው ሆነ፡፡

ብዙ አስደናቂ ነገሮችን አደረገ፡፡ ሕሙማን ፈወሰ፣ እውራንን አበራ፣ ሕጻናትን ባረከ፡፡

ኢየሱስ ምንም በደል አልሰራም ነበር፡፡ ይልቁንም ለሰዎች ስለ እግዚአብሔርና እንዴት ሊታዘዙት እንደሚገባ አስተማራቸው፡፡

ከጥቂት ጊዜ በኋላ የኢየሱስ ጠላቶች ኢየሱስን በመስቀል ሰቅለው ገደሉት፡፡

ኢየሱስ መከራን ተቀብሎ የሞተው ለሰው ልጆች ሁሉ ኃጢአት ሲሆን፤ ይህ መስዋዕቱ የሰቀሉትንም ሰዎች ኃጢአት ያካትት ነበር፡፡

ኢየሱስ ከሞቱ በኋላ ተቀበረ፡፡ ነገር ግን ከዛን በኋላ አስደናቂ ነገር ሆነ፡፡ ኢየሱስ እንደተቀበረ አልቀረም፤ ከሙታን ተነሳ፡፡

ከትንሳኤው ጥቂት ጊዜ በኋላ እግዚአብሔር ኢየሱስን በደመና ወደ ሰማይ ወሰደው፡፡ መላዕክት ኢየሱስ ወደ ሰማይ ሲያርግ ቆመው ሲመለከቱ ለነበሩ ደቀ መዛሙርቱ ተመልሶ እንደሚመጣ ነገሯቸው፡፡

ኢየሱስ የሞተው ለእኛም ኃጢአት ጭምር ነው፡፡ ኃጢአታችንን ተጸጽተን እንድንናዘዝና ንስሀ እንድነገባ ይፈልጋል፡፡ ይህንን ብናደርግ ይቅርታን ሊሰጠን ዝግጁ ነው፡፡

በማንኛውም ግዜ ወደ እግዚአብሔር መጸለይ ትችላለህ፡፡ እርሱ እያንዳንዷን ቃላችንን የሚሰማና ሀሳባችንን ሁሉ የሚያውቅ አምላክ ነው፡፡ ኃጢአታችን ይቅር ሲባልልን በውስጣችን ደስታ እንዲሰማን ያደርጋል፡፡ ከዛም መልካም የሆነውን ሁሉ ለማድግ የምንፈልግ ሰዎች እንሆናለን፡፡

እግዚአብሔርን አለመታዘዝና ሰይጣንን መከተል እንመርጥ ይሆናል፡፡ ነገር ግን የእግዚአብሔር ቃል በዚህ ዓለም በምኖርበት ጊዜ ለእግዚአብሔር ጥሪ ምላሻችን እምቢታ ከሆነ ወደ ገሀነም እንደምንጣል ይነግረናል፡፡ ገሀነም ለዘላለም ሲነድ የሚኖር እሳት ነው፡፡

ነገር ግን ኢየሱስን ብንወደውና ብንታዘዘው ወደ ምድር መጥቶ በሚመለስበት ጊዜ ወደ ሰማይ ይዞን ይሄዳል፡፡ መንግስተ ሰማይ የእግዚአብሔርና የልጁ የኢየሱስ ውብ መኖሪያ ነው፡፡ የፍቅርና የብርሀን ቤት ነው፡፡ በእዚያ ለዘላለም በደስታ እንኖራለን፡፡

ለተጨማሪ መረጃ ያግኙን

በረሪ የውንጌል ጽሑፎችን (ትራክቶችን) ለማዘዝ